Рөстәм Миңнеханов: "Казан белән Яшел Үзәнне якынайту хыялыбыз бүген тормышка ашачак»
Яшел Үзән районында «Зур Яшел Үзән» (ш-1) автомобиль юлы буенча хәрәкәтне ачу тантанасы булды.
Видеоконференцэлемтә режимында Россия Федерациясе Хөкүмәте Рәисе урынбасары Марат Хөснуллин, Россия Федерациясе Транспорт министры Роман Старовойт, Татарстан Республикасы Рәисе Рөстәм Миңнеханов, Татарстан Республикасы Транспорт министры Фәрит Хәнифов катнашты. Тантаналы ачылышта Зеленодольск районы башлыгы Михаил Афанасьев, «Татдортрансинвест» АҖ генераль директоры Айрат Гайфетдинов катнашты.
- "Зур Яшел Үзән" бик җитди, кирәкле объект. Казан белән Яшел Үзәнне якынайту хыялыбыз бүген чынга ашачак. Мондый масштабтагы һәм мондый катлаулылыктагы инфраструктура проектларын гамәлгә ашыру-менә дигән үрнәк, киләчәккә яхшы ориентир, - диде Рөстәм Нургалиевич.
Проект Яңа Тура һәм Осиново торак төзелеше районнарын М7 трассасы һәм Казан белән тоташтырды.
6,6 км озынлыктагы юл хәрәкәт өчен 4 полоса, 7 җир өсте борылыш элмәге һәм светофорлы җәяүлеләр кичүе, шулай ук М7 трассасы белән чишелеш алды, бу транспорт йөрешен сизелерлек яхшырта. Проект "Татдорпроект" АҖ тарафыннан эшләнгән, генераль подрядчы-"Волга-автодор"ҖЧҖ.