Яшел Үзәндә Ватанны саклаучылар көненә багышланган концерт үткәрелде
Кунаклар өчен вокаль, хореографик, шигъри һәм акробатик номерлы бай эчтәлекле концерт программасы әзерләнгән иде. Концерт башланыр алдыннан теләге булган һәркем тематик күргәзмәне карады.
Чарага Зеленодольск районы башлыгы Михаил Афанасьев, ЗМР хәрби комиссары Илшат Паймурзин, чакырылган кунаклар килде.
- Хөрмәтле яшел үзәнлеләр, Сезне Ватанны саклаучылар көне белән котлыйм! Ватанга хезмәт итүдән дә мөһимрәк һөнәр юк. 2025 ел безнең өчен үзенчәлекле - быел без Бөек Җиңүнең 80 еллыгын хезмәт батырлыгы шәһәре статусында каршылаячакбыз. Бу көнне без ветераннарыбызны котлыйбыз, махсус хәрби операциядә катнашучыларга рәхмәт әйтәбез һәм Россия Кораллы Көчләрендә хезмәт итәргә әзерләнүчеләрне сәламлибез. Барыгызны да бәйрәм белән котлыйм, гаиләләргә, ветераннарга сәламәтлек һәм озын гомер, бәхет һәм иминлек телим!- кунакларны якынлашып килүче бәйрәм белән муниципалитет башлыгы котлады.
Чара кысаларында тантаналы бүләкләү үткәрелде.