Яшел Үзәндә торак-коммуналь хуҗалык хезмәткәрләрен һөнәри бәйрәмнәре белән котладылар
Ел саен мартның өченче якшәмбесендә Россиядә торак-коммуналь хуҗалык хезмәткәрләре көне билгеләп үтелә. Бүген мәдәни үсеш үзәгендә бәйрәм чарасы узды.
Шәһәр һәм районның коммуналь хезмәтләре һәм идарәче компанияләре хезмәткәрләрен Зеленодольск районы башлыгы Михаил Афанасьев котлады:
- Безнең районда 3,5 меңгә якын ТКХ белгече эшли. Штаттан тыш хәлләргә вакытында җавап биреп, еш кына эштән тыш вакытта һәм ял көннәрендә эшләп, сез оперативлык һәм профессиональлек күрсәтәсез. Торак-коммуналь хуҗалык ветераннарына тармак үсешенә зур өлеш керткәннәре, күпьеллык һәм катлаулы хезмәтләре өчен аерым рәхмәт сүзләре. Һәрберегезгә чын күңелдән рәхмәт белдерәм, киләчәктә дә һөнәри уңышлар, бәхет һәм гаилә иминлеге телим!
Хезмәткәрләргә ведомство бүләкләре, Мактау грамоталары һәм Рәхмәт хатлары тапшырылды. Кунаклар өчен бәйрәм концерты әзерләнде.