Яшел Үзәннең "Champion kids" футбол клубы-бөтенроссия турнирының көмеш призеры
Марий Элда "Yalchik CUP"Бөтенроссия футбол турниры тәмамланды. Яшел Үзәннең "Champion kids" балалар футбол клубы туган шәһәрләрен лаеклы тәкъдим итте: Егетләр төркемнән чыгып, икенче урынны алдылар, аннары ярымфиналда җиңеп, финалга чыктылар.
Финал көрәшендә яшь чемпионнарыбызның җитди көндәше - Казанның "Максат"командасы булды.
- Уен киеренке, эмоциональ, Якты булды, финал шундый булырга тиеш тә, - дип сөйли егетләрнең тренеры Нияз Низамов. - Һава шартлары да өстәмә сынау булды-әле кар, әле яңгыр яуды. Турнир беренче тапкыр уздырылды, Минемчә, без үзебез турында яхшы гына белдердек, яхшы уен тәҗрибәсе тупладык һәм туган шәһәребезнең спорт дәрәҗәсен саклап калдык.
Финал казанлылар файдасына 2:6 исәбе белән тәмамланды. Көндәш капкасына матур "дубль" не безнең Камил Зиннәтуллин башкарды.
"Champion kids" ны яхшы нәтиҗәләр белән котлыйбыз һәм яшь футболчыларга яңа җиңүләр телибез!