Васильево бистәсендә Бөек Ватан сугышы ветераны, Яшел Үзән районының мактаулы кешесе, ТАССРның атказанган табибы Николай Михайлович Малиновскийга мемориаль такта ачтылар
Николай Михайлович 1922 елда Казанда туа. 1941-нченең сентябрендә рентгенотехниклар курсларын тәмамлый һәм Калуга кыр госпиталенә юллама белән фронтка китә. Берлинга барып җитә һәм 1945 елның декабрендә демобилизацияләнә.
«Сугышчан казанышлары өчен», «1941-1945 еллардагы Бөек Ватан сугышында Германияне җиңгән өчен» медальләре һәм II дәрәҗә Ватан сугышы ордены белән бүләкләнгән.
Васильевога Малиновскийлар гаиләсе 1967 елда күченә, анда Николай Михайловичны баш табиб итеп билгелиләр - ул вакытта әле территориаль хастаханә.
35 елдан артык гомерен Васильево бистәсендә сәламәтлек саклауга багышлый, шуның 20 елын баш табиб һәм хирург булып эшли, соңрак физиотерапия бүлеге мөдире була.
Нәкъ менә аның җитәкчелегендә хастаханәнең яңа дүрт катлы корпусы төзелә, аның диварында бүген мемориаль такта барлыкка килә.
Николай Михайлович лаеклы ялга 2002 елда 80 яшендә китә.
Атаклы табиб эзләреннән аның балалары һәм оныклары: улы Михаил Николаевич, оныгы Николай Михайлович һәм оныгы рга Михайловна - Республика клиник хастаханәсе табиблары бара. Бүген алар шулай ук безнең белән чарада булдылар.
Тантананы оештыручыларга, Васильево район хастаханәсе коллективына һәм ветераннарына инициативалары, изге сүзләре һәм кече Ватанга ихлас мәхәббәтләре өчен рәхмәт белдерәм!