POZIS вәкилләре җитештерүнең заманча ысулларын үзләштерделәр

2025 елның 13 августы, чәршәмбе

Позисның ун хезмәткәре «сакчыл җитештерүне оештыруның, идарә итүнең заманча ысуллары һәм технологияләре»дигән квалификация күтәрү курсын уңышлы узды. Татарстан Республикасы һәм Россия Федерациясе бюджетларыннан финанс ярдәме белән гамәлгә ашырылган укыту җитештерү процессларының нәтиҗәлелеген системалы күтәрүгә һәм персоналның һөнәри компетенцияләрен үстерүгә юнәлдерелгән.

- Сакчыл технологияләр кертү - үз җитештерүчәнлегеңне арттыру, чыгымнарны киметү һәм, нәтиҗәдә, импортны алмаштыру һәм технологик суверенитетның гомуми стратегиясе кысаларында базарда позицияләрне ныгыту өчен төп фактор, - дип билгеләп үтте POZIS компаниясе генераль директоры, Россия машина төзүчеләр берлегенең Татарстан төбәк бүлеге рәисе Радик Хәсәнов.