Михаил Афанасьев Зеленодольск районы ведомстволары җитәкчеләренә берничә төп йөкләмә бирде
Бүген Зеленодольск районы башлыгы, шәһәр мэры Михаил Афанасьев берләштерелгән депутатлар сессиясендә юлларда, шулай ук кешеләр күпләп ял итә торган урыннарда контрольне көчәйтергә кирәклеген ассызыклады.
– Шәһәр паркларында һәм скверларында полиция хезмәткәрләрен җәлеп итеп даими рейдлар башланды, бу практиканы дәвам итүегезне сорыйм, проблема бик актуаль. Көч блогы бүген безнең белән залда. Вандализм һәм башка хокук бозулар очраклары буенча профилактик чаралар күрергә кирәк.
Юлларда ДАИ хезмәткәрләре питбайклар белән бәйле вәзгыятьне тикшерәләр.
Узган атна дәвамында шәһәр юлларында яшүсмерләр катнашында берьюлы 2 юл-транспорт һәлакәте булган, алар питбайклар белән бәйле. Мондый хокук бозуларны профилактикалау чараларын көчәйтергә кирәк. Бездә балалар шуу өчен махсус куркынычсыз урыннар бар, мәсәлән, Васильеводагы «Драйв Парк». Кирәк булса, без ата-аналар баласын техникадан файдаланырга һәм бушлай йөрергә алып килсен өчен ярдәм чараларын эшләргә әзер.