Яшел Үзән районында яңа уку елында парта артына 20 меңнән артык укучы утырачак
Район территориясендә яңа уку елында 42 мәктәп эшләячәк, парта артына 20 меңнән артык укучы утырачак, шуларның 2 меңгә якыны беренче сыйныф укучылары. 50 мәктәпкәчә учреждение эшләячәк.
Татарстан рәисе Рөстәм Миңнеханов ТР Хөкүмәте Йортында узган киңәшмәдә билгеләп үткәнчә:
- Барлык җаваплы ведомстволарга барлык объектларда төзелеш эшләрен сыйфатлы башкару һәм вакытында тәмамлау зарур, ә иң мөһиме – мәктәпләрнең яңа уку елына әзерлеген тәэмин итү.
Зеленодольск районында быел 37 нче һәм 38 нче балалар бакчаларына капиталь ремонт ясалган. Октябрьский бистәсендә 260 урынлык балалар бакчасы төзелеше тәмамлана. Олы Ключ, Татар Танае һәм Октябрь мәктәпләрендә азык-төлек блокларына ремонт ясалган.
Район мәгариф оешмаларының 2025-2026 уку елына вакытында һәм сыйфатлы әзерлеген тикшерү максатында августта ведомствоара комиссия тарафыннан мәгариф оешмаларын кабул итү үткәреләчәк.