Яшел Үзәндә «Зеленодольскгаз»ЭПУ идарәсенең яңа башлыгы билгеләнде

2025 елның 18 сентябре, пәнҗешәмбе

Бу вазыйфаны элек йорт эчендәге газ җиһазлары хезмәте башлыгы булган Илфар Шәрипов биләде.

Чарада «Газпром трансгаз Казан» ҖЧҖ генераль директоры Рөстәм Усманов, Зеленодольск муниципаль районы Советы Аппараты җитәкчесе Илнар Хантимеров катнашты.

«Зеленодольскгаз» ЭПУ идарәсенең элеккеге башлыгы Айдар Кашаповны бүген лаеклы ялга озаттылар. 20 ел җитәкчелек итү дәверендә ул Яшел Үзән районының һәм Татарстан Республикасының газ тармагы үсешенә зур өлеш кертте.

Айдар Салих улына күпьеллык нәтиҗәле хезмәте өчен рәхмәт белдерделәр һәм «Зеленодольск — хезмәт батырлыгы шәһәре»муниципаль бүләге тапшырдылар.