Зеленодольск районы республика ярминкәсендә катнашты

2025 елның 30 сентябре, сишәмбе

Шимбә көнне «Казан» Агросәнәгать паркында ел саен уздырыла торган «Осталар шәһәре» ярминкә-күргәзмәсе узды, анда меңләгән кунак катнашты. Зеленодольск районы делегациясе мәгариф учреждениеләренең йорт яны кишәрлекләрендә үстерелгән продукциянең бай ассортиментын тәкъдим итте.

Чарада Татарстан Республикасы Премьер-министры урынбасары Ләйлә Фазлыева, Татарстан Республикасы Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров, мәгариф һәм фән министры Илсур Һадиуллин катнашты.

Авыл хуҗалыгы ярминкәсе «Профессионалитет» федераль программасының «яшьләр һәм балалар» милли проекты кысаларында узды.