Зеленодольскның 3 нче гимназиясе укытучысы «Фидакарь хезмәт өчен»медале белән бүләкләнде

2025 елның 6 октябре, дүшәмбе

Татарстан Республикасы Рәисе Рөстәм Миңнеханов Татьяна Дуньшаковага югары бүләк тапшырды. Бүген Казанда Укытучылар көненә багышланган тантаналы чара узды.

- Сезнең һөнәрегез-игелек, фидакарьлек һәм гаять зур рухи юмартлык таләп итә торган чын бурыч. Нәкъ менә сез балаларга үз-үзләренә ышанырга һәм тормышта үз юлын табарга ярдәм итәсез, һәр кешенең киләчәге төзелә торган белем һәм әхлакый кыйммәтләрнең ныклы нигезен саласыз, - дип билгеләде ТР рәисе Рөстәм Миңнеханов.

Татьяна Николаевна-рус теле һәм әдәбияты укытучысы. 46 елдан артык мәктәптә эшләүгә багышлады. Көн саен укучыларга белемгә мәхәббәт тәрбияли һәм мәгариф үсешенә бәяләп бетергесез өлеш кертә.

Котлыйбыз!