Хәйдәрнең аты булган...

Бәчек авылында Гөлнара белән Хәйдәр Сибгатуллиннар – хөрмәтле гаилә. Бер генә авыл чарасы да алар катнашыннан башка узмый. “Без булмасак, кем?” шигарен девиз итеп алганнар алар. Әле менә Яңа ел бәйрәме алдыннан өй түрләрендәге чыршыны үзләре ясаган уенчыклар белән бизәп, аллы-гөлле утларга күмгәннәр. Чыршы янында ел хуҗасы – кардан ясалган Ат басып тора. Ул шулкадәр күндәм: янына килгән һәркемгә сыйпаттыра, муенына асылган кыңгыравын чыңлаттыра. Сыртына утырырга да рөхсәт итә. Җилдереп урам гына әйләнеп килә алмый! Эх...! Шунысы гына бар. Ә болай... Солы сорамый, печән ашамый, авылдашларны сокландырып, бала-чагаларга шатлык бүләк итеп тик тора.