Бөтен алтын Яшел Үзән “Алтыны”ныкы

Осиново авыл җирлегенең мәдәният йортында эшләп килүче “Алтын” бию коллективының оешуына әле берничә ел гына. Шушы кыска гына вакыт эчендә хореограф Шамил Сыннов алтын үкчәле бию коллективы тупларга өлгерде. Бию коллективына йөрүче балалар яратып шөгыльләнә, ә аларның ата-аналары балаларының шушындый кеше кулына килеп керүенә шатланып туя алмый.
Хәзер алар төрле фестивальләрдән кайтып керми.
Әле шушы көннәрдә Яшел Үзәндә узган “Новый день» фестивалендә – беренче урынны алып куйсалар, Йошкар-Ола шәһәрендә узган “Музыкальный экспресс” бөтенроссия фестивалендә Гран-при яулап кайттылар.