Яшел Үзәндә кемнең биле нечкә?

Республикабызда оештырыла торган «Нечкәбил» конкурсы гүзәл затларыбыз – хатын-кызлар арасында зур популярлык казанды. Гаилә учагын саклаучылар арасында уздырыла торган проектта яшь әниләр дә, шулай ук 45 яшькәчә булган ханымнар да катнаша ала.

«Нечкәбил» – халык йолаларын саклаучы, олыларны олы, кечеләрне кече итә белүче республикабыздагы бәхетле гаиләләр турында бәян итә. Конкурсның төп шарты – гаилә белән катнашу. Әлеге проект гаилә мәсьәләләренә юнәлдерелгән.

«Нечкәбил» – ул әниләр, гүзәллек, гаилә бәйрәме генә түгел. Биредә хатын-кызларыбыз хәйрия эшчәнлеген дә күрсәтә.

Конкурс турында тулырак мәгълүматны 8(843) 205-58-08 телефоны һәм www.nechkebil.ru сайтыннан табарга мөмкин.