Яшел Үзән районында сөт тапшырган өчен акча түләү тоткарлана

Зур өметләр баглап узган ел ачылган”Нур” предприятиесенең көймәсе комга терәлгәнгә охшаган. Менә берничә айдан бирле халыктан җыелган сөт өчен түләмиләр. “Нур” предприятиесе директоры Рамил Миргалиев халыктан җыелган сөтнең Волжск сөт кабул итү предприятиесенә тапшырылуын, акчаны әлеге предприятие тоткарлавын белдерде. “без предприятие белән даими элемтәдә торабыз, законлы килешү төзелгән, бурычны ала алырбыз”, – дип уйлыйм диде ул.