Айныткыч ачылды

Узган шимбәдә Яшел Үзән район үзәк дәваханәсе территориясендә, район башлыгы катнашында, шәһәр өчен бик кирәкле яңа объект – исерек хәлдәге кешеләргә ярдәм күрсәтү үзәге ачылды.
Бу компакт бина, модульле ФАПлар тибында Азнакайның «Нефтемаш» заводында җитештерелгән. Бина сак-янгын сигнализациясе, видеокүзәтү кебек кирәкле системалар белән җиһазландырылган. Айныткычта барлыгы алты кеше эшлиячәк. Моңа кадәр исерекләрне дәваханәгә китереп, алар авыруларга һәм хезмәткәрләргә аерым проблемалар тудыра иде.