Штрафны вакытында түләмәсәң, икеләтә арта

5 декабрьдә ЮХИДИ хезмәткәрләре чираттагы тапкыр рейд уздырып, 16 сәгатьтән 22 сәгатькә кадәр машина йөртүчеләр тарафыннан 27 тапкыр юл йөрү кагыйдәсен бозу очрагын теркәгән.

– Комаров урамында «ВАЗ-321074» автомобилен туктаткач, машина йөртүче – 62 яшьлек ирнең исерек булуы ачыкланды, –дип сөйли ЮХИДИ инспекторы Юлия Леонтьева. – Ул, бер стакан сыра эчеп, 2 сәгать узгач, кибеткә ашамлыклар алыр­га чыктым дип аңлатты бу тәртибен. Автомобиль эвакуатор ярдәмендә штраф тукталышка куелды.
Рейд барышында инспекторлар Заикин, Татарстан һәм Ленин урамнарында тиешсез урыннан юл чыгып барган 9 җәяүлене дә административ җаваплылыкка тарткан. Аларга хәзер 500 сум күләмендә штраф түләргә туры киләчәк.
Заикин урамында «Лада-Приора» автомобилен йөртүче 26 яшьлек егеткә, машинасын каеш кимәгән килеш йөрткән өчен, 1000 сум штраф салынган. Ә 54 яшьлек «ВАЗ-21140» автомобилен йөртүче юлдан чыккан җәяүлегә юл бирмәгән. Хәзер аңа 1500 сум штраф түләргә туры киләчәк.