Көмешкә коючыга көн бетә

Яшел Үзән хакимиятендә ялган аракы һәм көмешкә кебек законсыз рәвештә ясала торган исерткеч эчемлекләр белән сәүдә итүне туктату мәсьәләсе каралды. Утырышны муниципаль район башлыгы Александр Тыгин алып барды. Эчкечелек яхшыга китерми, кеше агулана, исерек кеше җинаять кылырга да мөмкин. Менә шул бозыклык чыганагын корытыр өчен авыл җирлекләре башлыклары һәм полиция хезмәткәрләре бердәм һәм даими эш алып барырга тиешләр.