Россия Президенты «Кече ватан — Россия көче»III Бөтенроссия форумы кысаларында муниципаль җәмәгатьчелек вәкилләре белән очрашу уздырды.

Татарстанда ел башыннан мотоцикл йөртүчеләргә карата 261 административ материал төзелгән: 28 кеше исерек хәлдә, 88 кеше транспорт белән идарә итү хокукына ия булмаган, алты кеше машина йөртү хокукыннан мәхрүм ителгән, башка хокук бозулар - 138 материал, кагыйдә буларак, мотошлемсыз йөрү. Хәзер махсус тукталышта 67 мотоцикл бар, шуларның 44е - питбайклар.

Янгынга каршы махсус режим чорында янгын куркынычсызлыгы таләпләрен үтәмәгән өчен административ җаваплылык чарасы 2 мәртәбә арттырылды: гражданнарга - 10 меңнән 20 мең сумга кадәр; вазыйфаи затларга - 30 меңнән 60 мең сумга кадәр; юридик зат төземичә эшкуарлык эшчәнлеген гамәлгә ашыручы затларга - 60 меңнән 80 мең сумга кадәр; юридик затларга-400 меңнән 800 мең сумга кадәр.

Мартта «Россия машина төзүчеләр берлеге» нең Татарстан төбәк бүлеге һәм «ТР сәламәтлек саклау министрлыгының Республика кан үзәге» ДАССО массакүләм ирекле донорлыкны үстерү турындагы килешү кысаларында уртак эшкә нәтиҗә ясадылар. Бер ай эчендә хәйрия акциясендә 1045 кеше катнашты.  Канны һәм аның компонентларын машина төзелеше тармагының әйдәп баручы предприятиеләре хезмәткәрләре, шулай ук республиканың профильле уку йортлары студентлары һәм укытучылары тапшырды.