Яшел Үзән гимнастлары уңышлы чыгыш ясады
Пензада "Сурская осень" спорт гимнастикасы буенча Бөтенроссия ярышлары узды, аларда Россиянең, якын һәм ерак чит илләрнең көчле спортчылары катнашты.
Яшел Үзән командасын 1 нче олимпия резервы спорт мәктәбе укучылары: Богдан Иванов, Рөстәм Зиннәтуллин, Михаил Назаров, Азалия Камалиева һәм Ралина Басырова тәкъдим итте.
КМС программасы буенча шәхси көрәштә Иванов абсолют чемпион булып, 1 нче урынны алды. Ә финалда, аерым дисциплиналарда, ул брус, боҗра, перекладина снарядларында, ирекле күнегүләрдә җиңүче булды, ат снарядында - 2 урынны алды.
Рөстәм Зиннәтуллин атта һәм ирекле күнегүләрдә 3 нче урын.
Михаил Назаров – шулай ук, атта 1 урынны яулады.
Ярыш нәтиҗәләре буенча Богдан Иванов һәм Рөстәм Зиннәтуллин спорт мастерына кандидат нормативын үтәде.
Спортчыларны әзерләүче тренерлар: Илгиз Хисамов, Артем Суконнов, Гөлнара Әхмәтҗанова, Александр Артамонов.