Васильевода "Билгесез солдат көне" акциясе узды

2020 елның 3 декабре, пәнҗешәмбе

Бүген, 3 декабрь көнне Россиядә Билгесез солдат көне билгеләп үтелә.

Хәтер акциясенә Васильево бистәсе дә кушылды: туганнар каберлеге янында Бөек Җиңү өчен көрәшеп, Ватан өчен гомерләрен биргән, исемнәре билгесез, әмма мәңгегә тарихка кереп калган кешеләрне искә алдылар.

Акцияне Мәктәптән тыш хезмәт үзәге оештырды. Анда катнашучылар: Җиңү волонтерлары, Васильевоның икенче мәктәбе яшь армиячеләре шәмнәр кабыздылар һәм туганнар каберенә чәчәкләр салдылар.