"55+": Яшел Үзән районында пенсионерлар өчен яңа социаль проект старт алды

2021 елның 28 июле, чәршәмбе

Яшел Үзән муниципаль районының Раифа авыл җирлегендә пенсионерлар өчен "55+" символик исемле иҗади клуб ачылды. Ләкин уңай хис-кичерешләр һәм иң якты тәэсирләр үсешен символлаштырган “+” билгесе булганда еллар бары тик сан гына ул.

Беренче очрашуга барлык авыл чараларында актив катнашучылар - "Сударушки" вокаль коллективын чакырдылар.

Күңелле һәм җылы әңгәмә барышында хатын-кызлар проектның алдагы чаралары турында фикер алышты.

Моннан тыш, "55+" проекты кысаларында "Цифрлы ликбез" планлаштырылган: өлкән сыйныф укучылары пенсионерларга гаджетлар белән дөрес идарә итәргә, фотошоп һәм видеомонтаж үзләштерергә ярдәм итәчәк.