Чаңгы ярышында район халкы да читтә калмады

Узган шимбәдә «Татарстан чаңгы юлы-2022» ярышлары узды. Быел ул 40нчы тапкыр оештырылды һәм Яшел Үзәндә 1134 катнашучы чаңгыга басты. Балалар да, өлкәннәр дә читтә калмады. Иң кечесенә - 4, ә олысына 89 яшь иде. Шәһәрдә ике урында - “Маяк” спорт комплексы территориясендә һәм Мирный микрорайоны чаңгы базасында узды. Әлбәттә, район да читтә калмады. Барлыгы 800ләп кеше үзен сынап караган. Васильево, Бишнә, Бәчек, Рус Әҗәле, Раифа халкы ярышларда актив катнашты. - Быел традицион "Татарстан чаңгы юллары" ярышларына җылы һава торышы үз йогынтысын ясады, әмма чаңгычыларның энтузиазмы бөтенләй кимемәде һәм җанатарларның кәефен бозмады, - дип билгеләп үтте Раифа авыл җирлеге башлыгы Илсур Нуриев. Иң яшь катнашучыга – 9, иң өлкән чаңгычыга - 53 яшь. Спорт бәйрәме барышында чаңгыга чыккан яки спортчыларга көч биреп торырга килгән һәркемгә самавырдан чәй һәм кайнар коймак тәкъдим ителде. Җиңүчеләр истәлекле медальләр һәм иганәчеләр – җирле эшмәкәрләрдән спорт бүләкләре алдылар.