Михаил Афанасьев Зеленодольск районында сәламәтлек саклау үсеше турында сөйләде.
Бүген ТР Министрлар Кабинетында "Сәламәтлек саклауның беренчел звеносын модернизацияләү программасын гамәлгә ашыру" дигән брифинг узды.
Спикерлар арасында - ТР сәламәтлек саклау министры Марат Садыйков, республиканың төзелеш, архитектура һәм торак-коммуналь хуҗалык министры Марат Айзатуллин, Зеленодольск районы башлыгы Михаил Афанасьев.
- Агымдагы елда Олы Ходяш һәм Уразлы авылларында 2 ФАП төзеләчәк. Әзерлек эшләре башкарылды, техник документлар әзер. 2023-2025 елларда Садовый бистәсендә, Местечко Рамках, Акъегет авылында фельдшер-акушерлык пунктлары, шулай ук Олы Ключи авылында амбулатория төзү планлаштырыла.
Быел Осиново авылында күппрофильле поликлиника төзелеше башланды-авыл халкы һәм биш торак пункт өчен бик мөһим объект.
2022 елда Зеленодольск шәһәрендә 1 номерлы поликлиниканы һәм 2 номерлы хирургия корпусын ремонтлау башланды, - дип билгеләп үтте үзенең докладында Михаил Афанасьев.