«Контент-марафон» республика проекты турында

«2014-2025 елларга Татарстан Республикасында террорчылыкны һәм экстремизмны профилактикалау» ярдәмче программасы чараларын гамәлгә ашыру кысаларында, Татарстан Республикасы Яшьләр эшләре министрлыгы, «Татарстан Республикасының иҗади яшьләр академиясе» төбәк иҗтимагый оешмасы белән берлектә, Татарстан Республикасында Террорчылыкка каршы комиссия аппараты ярдәме белән 2022 елның 15 июленнән 15 октябренә кадәр «Контент-марафон» республика проекты (алга таба – Проект) үткәрелә. Проект сигез номинация буенча иҗади конкурстан гыйбарәт: «Art-ролик», «Motion-ролик», «VK-клиплар», «Фотосүрәт», «Мем», «Стикерпак», «ВКонтакте» җәмгыятьләре өчен Контент», «Промоматериаллар". Конкурс эшләрен җыю http://atmrt.ru/contentmarathon сайтында заявка тутыру юлы белән башкарыла. Заявка бирү кампаниясе нәтиҗәләре буенча катнашучыларның эшләренә эксперт бәя биреләчәк, аннан соң проектның 8 номинациясенең һәркайсында җиңүчеләр сайланачак һәм бүләкләнәчәк. Җиңүчеләр Россия һөнәри онлайн-белем бирү базары лидерыннан – Skillbox уку мөмкинлеге алачак, шулай ук дипломнар һәм техника алу өчен бүләк сертификатлары белән бүләкләнәчәк. Заявка кампаниясе чорында проектта катнашучылар тарафыннан булдырылган контент социаль челтәрләрдә трансляцияләнәчәк, шулай ук республиканың иҗтимагый киңлекләре территориясендә урнаштырылачак. Моннан тыш, контент-марафонда катнашучы һәр кеше проект тематикасы буенча актуаль заманча әдәбиятка сертификат алачак.