Зеленодольск районында яңа мәктәпләр һәм балалар бакчаларын проектлаштыру бара

2022 елның 23 августы, сишәмбе

Үзгәрешләр республиканың иң эре җирлекләренә – Васильево һәм Осиново бистәләренә кагылачак.

Педагогик хезмәткәрләрнең август киңәшмәсе кысаларында,  Зеленодольск районы башлыгы Михаил Афанасьев үз докладында билгеләп үткәнчә, Татарстан Республикасы  Президентының  Васильеводагы социаль-икътисади  үсеш буенча йөкләмәләре кысаларында бистәдә ике балалар бакчасы проектлана.

Моннан тыш, Осиново авылында 1224 урынга исәпләнгән яңа лицей һәм 360 урынга исәпләнгән балалар бакчасы проектлана.