5 нче гимназиядә «Аулак өй-баттл» узды
“Аулак өй-баттл” төбәкара проекты яшь буынга татар халкының гореф-гадәтләрен һәм йолаларын җиткерергә тиеш, ул Татарстанның төрле районнарында һәм шәһәрләрендә мәктәп укучыларының, студентларның, иҗтимагый оешмаларның әдәби баттлы форматында уза.
"Mediana" журналистикасы мәктәбе шәкерте Камиля Ямбушева үзенең тәэсирләре белән уртаклашты:
- “Аулак өй-баттл” ярышларында укучылар татар халкының гореф-гадәтләрен, милли йолаларын, онытылган халык уеннарын искә алдылар. 7-9 нчы сыйныф укучылары Арча шәһәреннән килгән танылган шагыйрьләр, тел, әдәбият өлкәсендәге галимнәр белән аралаштылар.
Проект җитәкчесе, Татарстан Республикасы журналистлары берлеге әгъзасы, “Өч өем” журналы мөхәррире - Сәрия Закирова.
Әдәби ярыш халык җырлары белән үрелеп барды. Бу очрашу әдәбият сөючеләрнең йөрәкләрендә җылы тәэсирләр калдырды.