9 нчы февральдә Росреестр күчемсез милекне рәсмиләштерү мәсьәләләре буенча "кайнар" линия уздырачак
Чара Росреестрның 15 еллыгына багышланган һәм берьюлы илнең барлык төбәкләрендә узачак, шул исәптән Татарстанда да.
Зеленодольск районы халкы үз сорауларын 8 (843) 255-25-71 телефоны аша бирә алачак.
Шалтыратулар 14 - 17 сәгатькә кадәр кабул ителәчәк.
Кайнар линиягә шалтыратып, сез түбәндәгеләрне белә аласыз:
- җир кишәрлекләренә, йортларга, фатирларга һәм башка объектларга хокукларны ничек теркәргә;
- күчемсез милекне ничек дөрес сатып алырга яки сатарга;
- ничек итеп «гараж» яисә «дача амнистиясеннән» файдаланырга;
- Элек барлыкка килгән хокукларыңны теркәү нигә кирәк?
- күчемсез милеккә хокукларны теркәгәндә нинди очракларда нотариуска мөрәҗәгать итәргә кирәк;
- үз күчемсез милегемне мошенниклардан ничек сакларга һәм башка бик күп нәрсәләр.
Кайнар линия буенча белгечләрнең консультацияләрен физик һәм юридик затлар, шулай ук бизнес вәкилләре дә алырга мөмкин.