Якташыбыз Дәүләт Кремль Сараенда чыгыш ясады

2023 елның 10 феврале, җомга

       Зеленодольск егете Арсений Попов Россия гражданнар авиациясенең 100 еллыгына багышланган бәйрәм концертында катнашты. Ул Дәүләт Кремль Сараенда узды. Бәйрәм чарасында катнашучыларны Россия президенты Владимир Путин котлады. Арсений илнең иң яхшы артистлары - Лев Лещенко, Ирина Аллегрова, Олег Газманов, Лариса Долина, Стас Михайлов, Николай Басков, Александр Маршал, "Любэ" төркеме, Төркия Хоры белән бер сәхнәдә чыгыш ясады. Арсений Попов Мәскәү дәүләт мәдәният институтында укый һәм курсташлары белән бергә "Марш авиаторов" театральләштерелгән прологында уйнады. Якташыбыз белән горурланабыз һәм аның профессиональ карьерасында яңа уңышлар телибез!

Сәгыйдә Гыймадиева