Халык контроле

2013 елның 20 августы, сишәмбе
2012 елның 1 апреленнән Татарстан дәүләт хезмәтләре сайты базасында эшләп килүче "Халык контроле"нең кураторы барлыкка килде. Ул - ТР кеше хокуклары буенча вәкил Сәрия Сабурская. Бу турыда ТР информатизация һәм элемтә министры Роман Шәйхетдинов Министрлар Кабинетында уздырылган киңәшмәдә хәбәр итте. 
Брифингта шулай ук 2013 елның беренче яртысында "Халык контроле"нең республика халкыннан 4,5 мең заявка алуы әйтелде. 100 мең кеше әлеге заявкаларны яклап чыкты, ә 36,5 меңе аларга карата үз фикерен белдерде. 
2224 заявка(49процент) канәгатьләндерелде, тагын 661е киләчәктә үтәләчәк ( шуларның 87се шушы статуста өч айдан бирле), 970 заявка сәбәбе күрсәтелеп, кире кагылды ( шуларның 448се акча булмаганга). 96 заявка хәзерге вакытта хәл ителү стадиясендә.  
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International