Роспотребнадзор хәбәр итә: 2023 елның 1 сентябреннән түләүле медицина хезмәтләре күрсәтүнең яңа кагыйдәләре гамәлдә булачак
РФ Хөкүмәтенең 11.05.2023 елның 736 номерлы карары белән медицина оешмалары тарафыннан түләүле медицина хезмәтләре күрсәтүнең яңа кагыйдәләре расланды.
Яңа кагыйдәләрдә тагын бер тапкыр өстәмә рәвештә әлеге кагыйдәләргә Россия Федерациясенең «Кулланучылар хокукларын яклау турында»гы Законы үз гамәлдә булуын күрсәтелә.
Кагыйдәләргә ярашлы рәвештә, түләнгән акчалар пациентка кулланучылар хокукларын яклау турындагы нормаларга ярашлы рәвештә кайтарыла (РФның 1992 елның 7 февралендәге 2300-I номерлы «Кулланучылар хокукларын яклау турында»гы Законының III бүлеге). Димәк, хезмәт күрсәтү срокларын бозган яки күрсәтелгән хезмәтнең кимчелекләрен ачыклаган очракта, акчаны кире кайтару яки өлешчә кайтаруны таләп итәргә мөмкин булачак. Акчаны кире кайтару таләпләре тиешле таләп күрсәтелгән көннән алып 10 көн эчендә канәгатьләндерелергә тиеш.
Кагыйдәләр дистанцион коммуникация формалары белән бәйле яңа мөмкинлекләр барлыкка килүен исәпкә алып эшләнгән. Аерым алганда, медицина оешмасы сайты аша дистанцион ысул белән килешү төзегәндә медицина хезмәтләре күрсәтү үзенчәлекләрен көйләүче яңа бүлек барлыкка килде. Мондый килешү төзегәндә пациент таныша ала торган мәгълүматлар исемлеге, шулай ук башкаручының аларны (яки аларга сылтаманы) сайтның төп битендә урнаштыру бурычы киңәйтелгән. Башкалар арасында башкаручы дәүләт хакимияте һәм оешма органнарына мөрәҗәгатьләр (шикаятьләр) җибәрү формасы һәм ысуллары, шулай ук мөрәҗәгать (шикаять) җибәрелә торган почта адресы яки электрон почта адресы (булган очракта) турында мәгълүмат җиткерергә тиеш.
2023 елның 1 сентябреннән медицина оешмасына өстәмә таләпләр (шул исәптән аның эшендә җитешсезлекләр табылса) яки килешүне вакытыннан алда өзү турында гаризаны дистанцион рәвештә дә җибәрергә мөмкин.
Боерык 2026 елның 1 сентябренә кадәр гамәлдә.
ТР буенча Роспотребнадзор Идарәсенең Зеленодольск территориаль бүлеге, 18.05.2023 г.