КФУ студентлары командасы “Геодезия пунктларын бергә саклыйк" конкурсында җиңүче булды
Ведомствоның 15 еллыгы кысаларында үткәрелә торган Росреестрның фәнни-тикшеренү конкурсы безнең көннәрдә геодезияне популярлаштыруга һәм Геодезия пунктларын саклау мәсьәләсенә һөнәри югары уку йортларының яшь белгечләрен җәлеп итүгә юнәлдерелгән.
Өч этапта узган конкурста Җир төзелеше һәм геодезия юнәлеше буенча белем алучы Казан федераль университеты (КФУ), Аграр (КДАУ) һәм Архитектура-төзелеш (КДАСУ) студентлары катнашты.
Командалар тематик проектларны якладылар, сорауларга җавап бирделәр. Студентлар сүзләренчә, иң мавыктыргыч этап квест булды: алар алдына Казанның төрле өлешләрендә билгеле бер дәүләт геодезия һәм нивелир челтәрләрен табу бурычы куелды. Югары катлаулылыкка карамастан, командада эшләү осталыгы, тизлеге, зирәклеге һәм тапкырлыгы барлык катнашучыларга биремне уңышлы үтәргә мөмкинлек бирә. Әмма КФУ командасы тизрәк булып чыкты һәм җиңүче булды. 2 нче урында-КДАТУ һәм 3 нче урында-КДАУ. Барлык катнашучыларга тантаналы шартларда истәлекле бүләкләр һәм дипломнар тапшырылды.
Татарстан Росреестры җитәкчесе урынбасары вазыйфаларын башкаручы Сергей Бахматов:
"Безнең республика территориясендә өч меңнән артык геодезия пункты бар. ГГС пунктлары проектлауда һәм төзелештә, фәндә һәм сәнәгатьтә кулланыла. Кызганычка каршы, бүгенге көндә геодезия пунктларын юк итү һәм зарарлау актуаль проблемаларның берсе булып тора, ул нигездә җирдән файдаланучыларның хәбәрдар булмавы аркасында килеп чыга. Безнең төп бурыч – бу пунктларны кайда гына булса да саклау.
Әлеге конкурсны безнең Идарә беренче тапкыр үткәрә, һәм җәмәгатьчелек игътибарын геодезия пунктларының саклану проблемасына җәлеп итү өчен, без мондый чараларны даими рәвештә уздырырга планлаштырабыз.
Конкурс комиссиясе рәисе, Татарстан Республикасы буенча Роскадастр ППК директоры Артем Костин:
"Без үз алдыбызга куйган бурыч – студентларны кызыксындыру һәм ил өчен мөһим булган мәсьәләләрне уртак хәл итүгә җәлеп итү. Һәм чын мәгънәсендә шәп нәрсә – профильле югары уку йортлары бу инициативаны хуплады. Бу геодезия һәм җир төзелеше өлкәсендә булачак белгечләр өчен нәкъ менә киләчәк эшчәнлектә кирәкле һөнәри күнекмәләрне алу өчен яхшы мөмкинлек.