POZIS лазер белән эретеп ябыштыруның инновацион аппаратын файдалануга тапшырды
Яңа буын Аппараты төгәл үлчәмле югары сыйфатлы металл конструкцияләр алырга һәм технологик яктан катлаулы продукция җитештерүне шактый оптимальләштерергә мөмкинлек бирәчәк.
Аппаратның төп өстенлеге-эретеп ябыштыру төгәллеге, ул классик технология белән чагыштырганда 24 тапкыр югарырак. Аның ярдәмендә тимер, алюминий, титан иретмәләре, бакыр һәм башка металллардан детальләр эретеп ябыштырырга мөмкин. Шул ук вакытта металл конструкцияләрнең кырыйларын әзерләргә кирәкми, эш махсус присадкалар, брызгалар һәм яндыруларсыз башкарыла.
"POZIS компаниясе адым саен модернизация һәм техник яңадан коралландыру программаларын тормышка ашыра, яңа технологик дәрәҗәгә чыга, җитештерү күләмен һәм продукциянең куллану сыйфатларын арттыра. Яңа җиһазлар хезмәт җитештерүчәнлеген ике тапкыр арттырырга һәм эшләрне башкаруның күп вакыт таләп итүен киметергә мөмкинлек бирәчәк», — дип билгеләп үтте «ПОЗиС» АҖ генераль директоры, Россия Машина төзүчеләр берлегенең Татарстан төбәк бүлеге рәисе Радик Хәсәнов.