Яшел Үзәндә Метеор - 2020 суга төшү тантанасы булды
Судно Советлар Союзы Герое Муса Җәлил хөрмәтенә аталган.
Тантанада ТР премьер-министры урынбасары, сәнәгать һәм сәүдә министры Олег Коробченко, ТР Транспорт һәм юл хуҗалыгы министры Фәрит Хәнифов, РФ Дәүләт Думасы депутаты Артем Прокофьев, ТР Туризм буенча дәүләт комитеты рәисе Сергей Иванов, Яшел Үзән районы башлыгы Михаил Афанасьев һәм башка рәсми затлар катнашты.
⁃ Бу завод кешеләре өчен чыннан да зур көн, кораб яңа этапка күчә, ә аннан соң киләсе кораблар килә. Горький исемендәге завод елына 12 Метеор чыгарган вакытлар бар иде, киләчәктә без бу нәтиҗәгә килербез дип ышанам,- дип билгеләп үтте Михаил Афанасьев.
03830 Метеор - 2020 проектының су асты канатларындагы тиз йөрешле пассажир суднолары, Си Тех проект бюросы тарафыннан эшләнгән. Экипаж әгъзаларының эш һәм ял итү өчен функциональ зонага, рейслар башкарганда пассажирларның тору шартларын яхшыртуга аерым игътибар бирелә.