ЕГРНга Татарстан белән Удмуртия арасында чик кертелгән
Күчемсез милекнең бердәм дәүләт реестрына Татарстан Республикасы белән Удмурт Республикасы арасындагы чикнең узуы турында мәгълүмат кертелгән. Субъектлар арасындагы чикнең гомуми озынлыгы 813 километр тәшкил итә.
Удмурт Республикасы белән чикләрне билгеләү буенча эшләр 2022 елда башланган, төбәкләр арасында чикне билгеләү турында килешү 2022 елның 19 декабрендә имзаланган. Чикләрне төгәлләгәндә җирле халык үз хуҗалык эшчәнлеген алып барган торак пунктлар янындагы участокларга аерым игътибар бирелә.
2023 елның августында җир төзелеше эше Росреестрның дәүләт экспертизасының уңай нәтиҗәсен ала, һәм материаллар җир төзелеше үткәрү нәтиҗәсендә алынган мәгълүматларны дәүләт фондына кертү өчен Татарстан Республикасы буенча «Роскадастр» ППК филиалына тапшырыла, шулай ук Удмурт Республикасы белән Татарстан Республикасы арасындагы чик турында мәгълүматны ЕГРНга кертү өчен «Роскадастр» ППК-сына җибәрелә. Нәтиҗәдә, Татарстан Республикасы белән Удмурт Республикасы арасындагы чик үзенең чын тарихи конфигурациясен үзгәртми. Килешү нәтиҗәләре буенча төрле документларда булган чикләрне картографик күрсәтүдә аерма мәсьәләләре хәл ителә.
Исегезгә төшерәбез, Татарстан территориянең төньяк-көнчыгыш өлешендә Удмурт Республикасы белән чиктәш. Чиктә республиканың Кукмара, Мамадыш, Алабуга, Менделеевск, Агерҗе, Минзәлә һәм Актаныш районнары урнашкан.