Татарстанда пилотсыз аппаратлар кулланып җирләрне аэрофотога төшерәләр

2023 елның 11 сентябре, дүшәмбе

Татарстан Росреестры тарафыннан 1800 гектар мәйданда 14 меңнән артык җир кишәрлеге төшерелгән.

Очышлар Казан, Биектау, Яшел Үзән, Югары Ослан, Питрәч, Алексеевск, Чистай, Мамадыш районнары өстеннән уздырылды. 2023 елда барлыгы 72 очыш ясалган.

Аэрофотога төшерү нәтиҗәләре буенча бердәм электрон картографик нигезне тутыру, җир законнарын бозуларны ачыклау, шулай ук реестр хаталарын төзәтү өчен кулланыла торган орофотопланнар әзерләнәчәк. Татарстанның Росреестрында хәбәр итүләренчә, 40 минутлык бер очыш вакытында пилотсыз очу аппараты 1,5 меңнән артык югары сыйфатлы фотосурәтләр башкара. Эшкәртелгәннән соң алар Федераль пространство мәгълүматлары фондына (ФФПД) тапшырыла һәм барлык кызыксынучыларга да ачык була.