Татарстан Росреестры тарафыннан күчемсез милек объектларына 13,4 млн хокук теркәлгән
Бүген Татарстан Росреестрына-14 яшь. Ел саен ведомствога бер миллионга якын төрле мөрәҗәгать килә, аларның күпчелеге гражданнардан.
Татарстан Росреестры эшләгән елларда күчемсез милек объектларына 13,4 млн хокук теркәлгән! Шулай ук ведомство тарафыннан 1,5 млн ипотека теркәлгән, ә 2012 елдан башлап 200 меңнән артык өлешле катнашу килешүе теркәлгән! Шул ук вакытта Росреестрататарстан эшчәнлеге вакытында күчемсез милекне теркәү вакыты якынча 10 тапкырга, ә аерым категориядәге эшләр буенча – 30 тапкырга кимегән!
Татарстан Росреестры Җитәкчесе Азат Җаббаров:
"Безнең ведомствоның төп казанышларының берсе – теркәлү срокларын кыскарту: элек закон бер айлык теркәлү срогын билгеләгән булса, хәзер исә максималь срок 9 эш көне тәшкил итә, ә көнкүреш күчемсез милекләрен (йортлар, гаражлар, мунчалар, хуҗалык корылмалары) теркәгәндә-5. .Ләкин бу срок та кыскартылган: искәрмәләр булмаса, ул 2-3 көн тәшкил итә. Шул ук вакытта теркәлүгә электрон рәвештә кергән документлар буенча теркәлү вакыты нибары 1 эш көне. Безнең ведомствоның бурычы-Росреестр хезмәтләре күрсәтүнең сыйфатын күтәрүне дәвам итү һәм Татарстанда күчемсез милек базарының өзлексез әйләнешен тәэмин итү».
Хәзерге вакытта ЕГРНда республикада урнашкан 4,5 млн.объект турында мәгълүматлар бар. Шул ук вакытта теркәлгән хокуклары белән 2,7 млн капиталь төзелеш объекты һәм 1,5 млн җир участогы.
Белешмә
2009 елның 20 ноябрендә Татарстанда, ТР буенча Роснедвижимость идарәсе һәм ТР буенча Росрегистрация идарәсе кушылу нәтиҗәсендә, Татарстан Республикасы буенча Росреестр идарәсе булдырылды. 2010 елда яңа төзелгән ведомствога, үзгәртеп кору белән бәйле рәвештә, Кама төбәк геодезия һәм картография идарәсе кушыла.