Казан районара табигатьне саклау прокуратурасы аңлата
: Россия Табигать министрлыгының 15.08.2023 no 521 боерыгы белән җир асты байлыкларыннан файдаланучылар тарафыннан үсемлек һәм хайваннар дөньясы объектларын һәм аларның яшәү тирәлеген саклау буенча чараларның якынча исемлеге расланды. Мәсәлән, җир асты байлыкларын кулланучылар тарафыннан үсемлекләр дөньясы объектларын саклау максатларында җир астының конкрет участогына карата җир асты байлыкларыннан файдалану төрен, файдалы казылмалар төрен һәм геология-разведка яки чыгару эшләрен үткәрү стадиясен исәпкә алып гамәлгә ашырыла торган чаралар исемлегенә керә::
сирәк һәм юкка чыгу куркынычы астында булган үсемлекләр дөньясы объектларының (табигатьтән файдалану өлкәсендә күзәтчелек буенча федераль хезмәтнең Россия Федерациясенең Кызыл китабына кертелгән хайваннар һәм үсемлекләр дөньясы объектларын алуга рөхсәтен алганнан соң), шулай ук хуҗалык эшчәнлеген гамәлгә ашырганда тискәре йогынтыга дучар ителергә мөмкин булган реликт үсемлекләрнең үсү участокларын коймалау яки күчереп утырту;
су үсемлекләрен, үсемлекләр япмасын торгызу һ. б.
Шунысын да билгеләп үтәргә кирәк, 21.02.1992 елгы 2395-1 номерлы законның 8 статьясы нигезендә җир асты байлыкларыннан файдалану үсемлекләр һәм хайваннар дөньясы объектларын һәм аларның яшәү тирәлеген саклау буенча чараларны үтәү шарты белән башкарыла.