Татарстан эшкуарлары Росреестр хезмәтләрен ничек бәялиләр
Татарстан Росреестры кече һәм урта бизнес вәкилләренә 5 баллы шкала буенча милек хокукларын теркәү тизлеген, документлар кабул итү шартларын, теркәү процедурасын яисә аның этапларын электрон рәвештә рәсмиләштерү мөмкинлекләрен һ.б. бәяләргә тәкъдим итте. сораштыру нәтиҗәләре буенча һәр күрсәткеч буенча уртача балл 4,8 тәшкил итте.
Ведомство мәгълүматлары буенча, 2023 елда Татарстан эшкуарлары күчемсез милек объектларына 15 меңгә якын хокук теркәгән (кагыйдә буларак, бу төзелә торган йортлардагы фатирлар, шулай ук офис биналары). МСП вәкилләре мөрәҗәгать иткәндә күчемсез милекне рәсмиләштерү кыскартылган срокларда башкарыла.
"Төбәкнең инвестицион җәлеп итүчәнлеген арттыру өчен Татарстан Росреестры бизнес алып бару процедураларын гадиләштерә. Аерым алганда, безнең ведомство эшкуарлык җәмәгатьчелеге өчен дәүләт хезмәтләренең уңайлылыгын арттыру буенча берничә чараны гамәлгә ашыра. Беренчедән, сүз күчемсез милеккә хокукларны теркәү срокларын һәм аның белән килешүләрне 9 эш көненнән 5 эш көненә кадәр кыскарту турында бара», - дип билгеләп үтте инвестиция проектлары буенча күчемсез милекне дәүләт теркәве бүлеге начальнигы Александра Абдуллина.
Моннан тыш, Татарстан Росреестры эксперты сүзләренчә, кече һәм урта бизнес субъектлары вәкилләре өчен КФҮ офисларында аерым кабул итү оештырылган. Милек хокукын теркәү нәтиҗәләре турында смс-мәгълүмат аша белергә мөмкин. Документларны теркәү алдыннан әзерләү буенча сораулар туганда 8(843)255-24-20 телефоны буенча бушлай консультация гамәлдә.