Яшел Үзәндә РФ Милли гвардия гаскәрләре федераль хезмәте хезмәткәрләрен һөнәри бәйрәмнәре белән котладылар
Бәйрәм уңаеннан бүлекчәнең югары эш күрсәткечләренә ирешкән иң яхшы хезмәткәрләрен бүләкләделәр. Яшел Үзән хокук саклау хезмәткәрләренә район башлыгының Мактау грамоталары һәм Рәхмәт хатлары тапшырылды.
- Зеленодольск бүлеге-республикабызда иң яхшыларның берсе. Югары профессионализм, батырлык, бурычка һәм антка тугрылык – сезне безнең заманның чын геройлары итә торган сыйфатлар. Сез Россия файдасына хезмәт итеп, үз вазифаларыгызны лаеклы үтисез. Сезнең хезмәт – һәрберебез өчен тынычлык һәм иртәгәге көнгә ышаныч нигезе ул. Бәйрәм белән!,- диде Зеленодольск районы башлыгы урынбасары Николай Бызин.
Зеленодольск районы буенча ведомстводан тыш сак бүлеге көче белән төрле милек рәвешләрендәге 1373 объект саклана.
- Сезне, хөрмәтле хезмәткәрләр, чын күңелдән һөнәри бәйрәмебез белән котлыйм. Без сезнең белән бер команда, алга таба да шәһәрдә һәм районда хокук тәртибен саклаячакбыз. Ныклы сәламәтлек һәм иминлек сезгә", - дип мөрәҗәгать итте коллективка Яшел Үзән районы буенча ведомстводан тыш сак бүлеге начальнигы полиция полковнигы Гомәр Миңнуллин.
Бәйрәм белән!