Профсоюз яшьләре-Бердәмлектә көч
Казанның «Ливадия Татарстан» профсоюз шифаханәсендә профсоюз активы һәм яшьләр комитетлары рәисләренең Бөтенроссия семинар-киңәшмәсе уза.
РОСПРОФПРОМ эгидасы астында оештырылган чарага Россиянең төрле төбәкләреннән 40 тан артык катнашучы килде.
Кунакларга сәламләү сүзләре белән сәнәгать хезмәткәрләренең Россия профсоюзы рәисе Андрей Чекменев, ТР Профсоюзлар федерациясе рәисе Елена Кузьмичева һәм Роспрофпромның Татарстан республика оешмасы рәисе Константин Антипов мөрәҗәгать итте.
Төп чараларның берсе «профсоюз эшенең актуаль мәсьәләләре» темасына түгәрәк өстәл булачак, анда Россия Союзмашның Татарстан регбүлегенең яшьләр сәясәте буенча комиссиясе җитәкчесе, POZIS социаль һәм яшьләр проектлары идарәсе башлыгы Александр Спирин һәм «Казан дары заводы» яшьләр лидеры Карина Хөснеева яшьләрне профсоюз эшчәнлегенә интеграцияләүнең уңышлы кейсларын тәкъдим итәчәкләр.