2025-2026 елгы җылыту чорына әзерлек турында ТКХ департаменты башлыгы Нияз Минһаҗев сөйләде
- Үзәк җылыту системасы булган торак йортларны җылылык белән 38 котельный тәэмин итә. Зеленодольск районында барлыгы 968 күп фатирлы йорт бар, шул исәптән 717се үзәктән җылытыла. Бүгенге көнгә 922 йорт җылылык ташучыны эшләтеп җибәрергә әзер.
Җылыту системаларын юу һәм гидравлик сынау эшләре башкарылды, торак йортларда вентиляция каналлары һәм төтен чыгару юллары тикшерелде. Моннан тыш, районда 2,4 км җылылык челтәре алыштырылган.
Шулай ук социаль-мәдәни көнкүреш объектларында да котельныйларда эшләр башкарыла. 253 социаль объектның 248е көзге-кышкы чорга әзер. 5 объект калган, шуларның 4 се - капиталь ремонт.
Исегезгә төшерәбез, күпфатирлы йортларда җылылык һаваның уртача тәүлеклек температурасы 8 градустан түбән төшкән һәм 5 тәүлектән артык күтәрелмәгән очракта гына эшли башлый.