«ПОЗиС»АҖ базасында 80нән артык студент укыту-җитештерү практикасы уза
Яшел Үзән механика көллияте һәм Марий Эл Республикасының Идел буе дәүләт технология университеты студентлары заманча җитештерү процесслары белән танышып кына калмыйча, аларда актив катнашалар.
- Икътисадның сәнәгать секторы бүген яшь белгечләргә бик мохтаҗ, шуңа күрә без перспективалы кадрларны җәлеп итү һәм беркетү буенча чаралар комплексын гамәлгә ашырабыз. Безнең компания мисалында заманча хезмәт шартларын һәм һөнәри үсеш өчен киң мөмкинлекләрне күрсәтәбез, - дип билгеләп үтте "ПОЗиС" АҖ генераль директоры, Россия машина төзүчеләр берлегенең Татарстан төбәк бүлеге рәисе Радик Хәсәнов.
Яшьләр белән системалы эшләү — POZIS өчен стратегик өстенлек. Предприятие профильле мәгариф учреждениеләре белән тыгыз хезмәттәшлек итә,үзенең сәнәгать базасын студентлар практикасы өчен бирә һәм алдынгы хезмәткәрләрне укытучылар һәм экспертлар сыйфатында җәлеп итә.