«Бизнес һәм сәясәт: хатын-кыз карашы»
Яшел Үзән шәһәренең тарихи-мәдәни мирас музее базасында узган түгәрәк өстәл шушы темага багышланды.
Чара башланыр алдыннан кунаклар музейның яңартылган экспозицияләре белән таныштылар, муниципалитет тарихына чумдылар.
Чарада Зеленодольск районының 20дән артык эшлекле хатын-кызы катнашты, алар арасында ТР Дәүләт Советы депутаты Ирина Терентьева, Зеленодольск районы башлыгы урынбасары Эльза Кадникова, ТР Рәисе каршындагы эшмәкәрләр хокукларын яклау буенча вәкаләтле вәкилнең җәмәгать вәкиле Альбина Динмөхәммәтова.
Түгәрәк өстәл көн тәртибендә хатын-кызлар эшмәкәрлеге һәм сәясәтенең актуаль мәсьәләләре каралды. Катнашучыларга «Мәрхәмәт-Милосердие» хатын – кыз депутатлар берләшмәсе эшчәнлеге турында сөйләделәр һәм Яшел Үзәннең «Бизнес Леди»клубын тәкъдир иттеләр.
- Мондый очрашулар хатын – кызлар лидерлыгын үстерү һәм бизнес белән хакимият арасындагы элемтәләрне ныгыту өчен аеруча мөһим, - дип билгеләп үтте чараны оештыручы-Яшел Үзән районы музей берләшмәсе җитәкчесе Резеда Данилова.