Яшел Үзәндә Россия Кубогы финалы һәм триатлон буенча Татарстан Республикасы балалар лигасы ярышлары узды

2025 елның 27 октябре, дүшәмбе

«Маяк» спорт комплексында масштаблы бөтенроссия ярышлары, Россия Кубогы беренчелеге һәм финалы, шулай ук Триатлон буенча Татарстан Республикасы балалар лигасының республика ярышларының җиденче этабы узды. Аларда 400 дән артык спортчы катнашты.

Республика ярышларының җиденче этабында Казаннан, Мәскәүдән, Йошкар-Оладан, Саратовтан, Уфадан һәм Екатеринбургтан ике йөзгә якын бала катнашты. 7 яшьтән алып 12 яшькә кадәрге яшь спортчылар велоузыш һәм кроссны үз эченә алган 7,3 км озынлыктагы дистанцияне үттеләр.

Исегезгә төшерәбез, Триатлон буенча Татарстан Республикасы балалар лигасы 2020 елдан Татарстан Хөкүмәте, Казан Мэриясе һәм Россия җыелма командаларының спорт әзерлеге үзәге ярдәмендә Татарстан Республикасы триатлон федерациясе тарафыннан үткәрелә. 2024 елда балалар лигасының генераль партнеры «СМУ-88»компанияләр төркеме булды. Узган ел лиганың республика ярышларында барлыгы 1300дән артык яшь триатлончы катнашты.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International