Татарстан Республикасында Бала хокуклары буенча вәкаләтле вәкил Светлана Захарова Яшел Үзәнгә эш визиты белән килде
Светлана Захарова шәһәрнең балалар социаль учреждениеләре эшенең барышы белән танышты.
«Доверие» тернәкләндерү үзәге мөмкинлекләре чикләнгән балаларга комплекслы ярдәм күрсәтә.
Балалар һәм яшүсмерләр өчен «Гнездышко»социаль приюты. Аның төп бурычы-авыр тормыш хәлендә калган балаларга һәм гаиләләргә вакытында социаль ярдәм күрсәтү.
Эш визиты барышында балаларның хокукларын һәм законлы мәнфәгатьләрен яклау мәсьәләләре буенча гражданнар кабул ителде, шулай ук балигъ булмаганнар эшләре һәм аларның хокукларын яклау комиссиясенең киңәйтелгән утырышы булды. Көн тәртибендә:
• агымдагы елның 9 аенда балигъ булмаганнар арасында җинаятьчелеккә һәм хокук бозуларга анализ;
• опека һәм попечительлек бүлегенең социаль ятимлекне профилактикалау буенча эш барышы;
• социаль яктан куркыныч хәлдә булган балигъ булмаганнар һәм аларның гаиләләре белән эшләүдә ведомствоара хезмәттәшлек.