Васильев кадетлары Татарстанны 15 ел эчендә беренче мәртәбә парад расчетлары конкурсында призлы урыннар яулады!
Советлар Союзы Герое Николай Волостнов исемендәге Васильево кадет мәктәп-интернатында тәрбияләнүчеләр 1941 елның 7 ноябрендә Самарада гаскәрләрнең тарихи смотры хөрмәтенә узган 15 нче Хәтер парадында республиканы тәкъдим иттеләр.
Парад колоннасы составында байрак тотып Васильеводан 55 яшь кадет үтте. Безнең егетләр бөтен Россиядән килгән 125 парад расчеты арасында икенче урынны алдылар!!!
Конкурс комиссиясе составына биш генерал керде, алар безнең егетләрнең әзерлеген тиешенчә бәяләделәр! Горурланабыз!
Чараның мәртәбәле кунаклары арасында Бөек Ватан сугышы һәм сугыш хәрәкәтләре ветераннары, махсус хәрби операциядә катнашучылар, «Ватанны саклаучылар» фонды филиаллары җитәкчеләре, хезмәт коллективлары һәм хәрби-патриотик клублар вәкилләре, волонтерлар, студентлар һәм мәктәп укучылары бар иде.