POZIS «Труд крут»милли премиясе версиясе буенча Россиянең иң яхшы эш бирүчесе дип танылды
Ростех дәүләт корпорациясенең POZIS (Россия машина төзүчеләр берлегенә керә) «яшьләр өчен имин хезмәт шартларын оештыру буенча иң яхшы эш бирүче» номинациясендә Россия студентлар отрядларының (РСО) «Труд крут»милли премиясе призеры булды. Бүләкләү тантанасы 14 ноябрьдә Красноярскида Бөтенроссия студентлар отрядлары слеты кысаларында узды.
Бу җиңү предприятиенең студент яшьләрне эш белән тәэмин итүне оештыру өчен илдә иң яхшы мәйданчык статусын раслады. 2024-2025 елларда гына да 1 400дән артык студент «ПОЗИС»ның структур бүлекчәләрендә производство практикасын узган. Остазлык системасы стажерларга теоретик белемнәрен ныгытып кына калмыйча, заманча производствода беренче һөнәри тәҗрибә һәм лаеклы хезмәт хакы алырга мөмкинлек бирде.
«Безнең өчен студент отрядлары белән эшләү – бер тапкыр үткәрелә торган акция түгел, ә предприятие һәм машина төзелеше тармагының киләчәгенә инвестиция. Без яшь буын үз белемнәрен гамәлдә генә кулланып калмыйча, үзен зур һәм мөһим команданың бер өлеше итеп тоя алсын өчен бөтен шартларны тудырабыз», – дип шәрехләде «ПОЗиС» АҖ генераль директоры, Россия Союзмашының Татарстан төбәк бүлеге рәисе Радик Хәсәнов.