Зеленодольск районында Каюм Насыйри һәйкәлен мәдәни мирас объектлары реестрына кертәләр
Татар мәгърифәтчесе Каюм Насыйриның бронза бюсты кече Ширдан авылында музей территориясендә урнашкан. Бюст 1967 елда куелган.
Каюм Насыйри-хәзерге татар әдәби теленә нигез салган күренекле татар мәгърифәтчесе, тел белгече, язучы һәм этнограф. Ул 40 тан артык фәнни һәм әдәби хезмәт авторы була, төрле фәннәр буенча дәреслекләр иҗат итә.
Исегезгә төшерәбез, быел язучының тууына 200 ел тулды. Париж Коммунасы урамындагы мәгърифәтче йортында реставрация эшләре башланган. Анда идән астының техник япмаларын, цокольның отмосткаларын һәм тышчасын сүткәннәр, шулай ук бинаны һәм тарихи киртәне реставрацияләү өчен пиломатериаллар ясаганнар. Проект буенча уникаль Агач сырлы бинаның тарихи йөзен торгызу, түбә конструкциясен ныгыту, эчке инфраструктураны яңарту һәм янәшәдәге территорияне төзекләндерү планлаштырыла.