POZIS коллективына медаль тапшырылды
Ростех дәүләт корпорациясенең "ПОЗиС" компаниясе (Россия машина төзүчеләр берлегенә керә) даими рәвештә гуманитар ярдәм җыю өчен «СВОГА ярдәм иткән өчен» медале белән бүләкләнде. Бүләкне «Сугышчан туганлык»бөтенроссия иҗтимагый оешмасының Татарстан Республика бүлеге тапшырды. Бүләкләү тантанасы Совет гаскәрләрен Әфганстаннан чыгаруның 37 еллыгына һәм Ватанны саклаучылар көненә багышланган чара кысаларында узды.
Завод даими нигездә гуманитар ярдәм җыя һәм махсус хәрби операция уздыру зонасына үз теләкләре белән киткән хезмәттәшләренә һәрьяклап ярдәм күрсәтә. Аларның һәркайсының эш урыны сакланып калган, ә аларның гаиләләренә адреслы матди һәм социаль ярдәм күрсәтелә.
Предприятиедә системалы эш оештырылган: координацион штаб эшли, ул хәрби бүлекчәләр белән турыдан-туры элемтәдә торып, акча җыюны, йөкләрне сатып алуны һәм адреслы китерүне оештыра.
Быел завод территориясеннән СВО зонасына хезмәткәрләр көче белән җыелган чираттагы гуманитар ярдәм партиясе китте. Моннан тыш, компания хәрби госпитальләргә препаратлар һәм биоматериаллар саклау өчен бик кирәкле POZIS медицина суыткычларын җибәргән.
- Яшел Үзән һәрвакыт хезмәтчәннәр һәм яклаучылар шәһәре булды. Без бабаларыбыз һәм әтиләребезнең тарихларында үстек, һәм бүген безнең чират свода катнашучы балаларыбызга ярдәм итү. Предприятиедән китә торган һәр ярдәм партиясе артында безнең хезмәткәрләрнең әниләре, хатыннары һәм балалары тора, - дип билгеләп үтте "ПОЗиС" АҖ генераль директоры, Россия машина төзүчеләр берлегенең Татарстан төбәк бүлеге рәисе Радик Хәсәнов.